Rajamouli Varanasi vs Ramayana ఇండియన్ సినిమా సింహాసనం ఎవరిది?
భారతీయ సినీ పరిశ్రమలో మరో ఆసక్తికర పోటీకి రంగం సిద్ధమవుతోంది. ఒకవైపు దర్శకధీరుడు ఎస్.ఎస్. రాజమౌళి – సూపర్ స్టార్ మహేష్ బాబు కాంబినేషన్లో తెరకెక్కుతున్న భారీ పాన్ వరల్డ్ చిత్రం ‘వరణాసి’ (వర్కింగ్ టైటిల్గా ప్రచారంలో ఉంది), మరోవైపు బాలీవుడ్ దర్శకుడు నితీష్ తివారీ అత్యంత ప్రతిష్ఠాత్మకంగా రూపొందిస్తున్న ‘రామాయణ’. ఈ రెండు ప్రాజెక్టులపై దేశవ్యాప్తంగా సినీ అభిమానుల్లో భారీ అంచనాలు నెలకొన్నాయి.
‘బాహుబలి’, ‘ఆర్ఆర్ఆర్’ వంటి చిత్రాలతో భారతీయ సినిమాను అంతర్జాతీయ స్థాయికి తీసుకెళ్లిన రాజమౌళి.. ఇప్పుడు మహేష్ బాబుతో మరింత భారీ విజన్తో ప్రేక్షకుల ముందుకు రావడానికి సిద్ధమవుతున్నారు. మరోవైపు ‘దంగల్’ వంటి బ్లాక్బస్టర్తో ప్రపంచవ్యాప్తంగా గుర్తింపు తెచ్చుకున్న నితీష్ తివారీ.. భారతీయ ఇతిహాసాన్ని అత్యాధునిక సాంకేతికతతో ప్రపంచ ప్రేక్షకులకు అందించాలనే లక్ష్యంతో ‘రామాయణ’ను రూపొందిస్తున్నారు.
ఈ రెండు చిత్రాలు భారీ బడ్జెట్, అత్యున్నత విజువల్ ఎఫెక్ట్స్, అంతర్జాతీయ స్థాయి నిర్మాణ విలువలతో రూపొందుతున్నాయి. దీంతో ఏ సినిమా బాక్సాఫీస్ వద్ద కొత్త రికార్డులు సృష్టిస్తుంది? ఏ చిత్రం ప్రపంచవ్యాప్తంగా అత్యధిక వసూళ్లు సాధిస్తుంది? అనే చర్చ ఇప్పటికే సోషల్ మీడియాలో జోరందుకుంది.
అయితే రెండు సినిమాల విడుదలకు ఇంకా సమయం ఉన్నప్పటికీ.. ఇప్పటి నుంచే అభిమానుల మధ్య పోలికలు మొదలయ్యాయి. రాజమౌళి మరోసారి భారతీయ సినిమా స్థాయిని మరింత ఎత్తుకు తీసుకెళ్తారా? లేక నితీష్ తివారీ ‘రామాయణ’తో కొత్త చరిత్ర సృష్టిస్తారా? అన్నది ఆసక్తికరంగా మారింది.
ప్రస్తుతం ఈ రెండు చిత్రాలపై సినీ అభిమానుల అంచనాలు రోజురోజుకూ పెరుగుతుండగా.. భారతీయ సినిమా గ్లోబల్ బాక్సాఫీస్లో మరోసారి తన సత్తా చాటే అవకాశం ఉందని సినీ విశ్లేషకులు అభిప్రాయపడుతున్నారు.
click here to read : సముద్ర తీరంలో మెరిసిన రమ్య.. గ్లామర్ ఫొటోలు వైరల్గా మారిన వేళ
