రామ్ చరణ్ కోసం ఫ్యాన్స్ గుడి.. ‘పెద్ది’ రిలీజ్ వేళ కూకట్పల్లిలో సందడి
సోషల్ మీడియాలో వైరల్ అవుతున్న మెగా ఫ్యాన్స్ హంగామా
గ్లోబల్ స్టార్ రామ్ చరణ్ నటిస్తున్న మోస్ట్ అవేటెడ్ మూవీ ‘పెద్ది’ విడుదల వేళ మెగా అభిమానుల సందడి పీక్కి చేరింది. బుచ్చిబాబు సానా దర్శకత్వంలో తెరకెక్కుతున్న ఈ పీరియాడిక్ యాక్షన్ డ్రామాపై ఇప్పటికే భారీ అంచనాలు నెలకొన్నాయి. ఈ నేపథ్యంలో హైదరాబాద్లోని కూకట్పల్లి అర్జున్ థియేటర్ వద్ద మెగా ఫ్యాన్స్ చేసిన ఏర్పాట్లు ఇప్పుడు సోషల్ మీడియాలో హాట్ టాపిక్గా మారాయి.
అర్జున్ థియేటర్ ప్రాంగణంలో రామ్ చరణ్ అభిమానులు ప్రత్యేకంగా ఒక గుడి తరహా సెటప్ను ఏర్పాటు చేశారు. ‘పెద్ది’ సినిమాలో చరణ్ కనిపించనున్న రస్టిక్ లుక్ను పోలి ఉండేలా భారీ విగ్రహాన్ని ప్రతిష్ఠించారు. అంతేకాకుండా ఆ ప్రాంగణానికి ‘శ్రీ కొణిదెల రామ్ చరణ్ దేవాలయం’ అంటూ నేమ్ బోర్డు ఏర్పాటు చేయడం అభిమానుల ప్రేమకు నిదర్శనంగా నిలుస్తోంది.
థియేటర్ వద్ద ప్రస్తుతం జాతర వాతావరణం కనిపిస్తోంది. అభిమానులు భారీగా చేరుకుని రామ్ చరణ్ విగ్రహానికి హారతులు ఇస్తూ, కొబ్బరికాయలు కొడుతూ, పాలాభిషేకాలు చేస్తున్నారు. ఇందుకు సంబంధించిన ఫొటోలు, వీడియోలు సోషల్ మీడియాలో వైరల్గా మారాయి.
‘రంగస్థలం’ తర్వాత రామ్ చరణ్ మళ్లీ విలేజ్ బ్యాక్డ్రాప్లో రా అండ్ రస్టిక్ పాత్రలో కనిపించనుండటంతో ఫ్యాన్స్లో భారీ ఉత్సాహం నెలకొంది. చరణ్ మేకోవర్, బాడీ లాంగ్వేజ్, యాక్షన్ ఎపిసోడ్స్ ఈ సినిమాకు ప్రధాన ఆకర్షణగా నిలవనున్నాయని సినీ వర్గాలు చెబుతున్నాయి.
మొత్తానికి ‘పెద్ది’ రిలీజ్కు ముందే మెగా అభిమానులు క్రియేట్ చేస్తున్న ఈ హంగామా సినిమాపై ఉన్న క్రేజ్ను మరోసారి నిరూపిస్తోంది. థియేటర్లలో సినిమా విడుదలైన తర్వాత ఈ జోష్ మరింత పెరిగే అవకాశముందని ట్రేడ్ వర్గాలు అంచనా వేస్తున్నాయి.
