ప్రతిరోజూ ఉపయోగపడే టెక్నాలజీ చిట్కాలు

మీ చేతిలో ఉన్న ఫోన్… నిజానికి ఒక చిన్న ప్రపంచం!
ఫోన్ బ్యాటరీ త్వరగా అయిపోవడానికి అసలు కారణం ఏమిటి?
యాప్ పర్మిషన్స్ ఎందుకు చెక్ చేయాలి?
మీ ఫోన్‌లో దాగి ఉన్న తెలివైన ఫీచర్లు

ఉదయం కళ్లు తెరిచిన క్షణం నుంచి రాత్రి నిద్రపోయే వరకు మనతో ఉండేది ఇప్పుడు కుటుంబ సభ్యులకన్నా ఎక్కువగా… మొబైల్ ఫోనే!
అలారం నుంచి ఆఫీస్ వరకు…
చాట్ నుంచి షాపింగ్ వరకు…
బ్యాంకింగ్ నుంచి వినోదం వరకు…
మన జీవితమంతా ఇప్పుడు చిన్న స్క్రీన్‌లోనే నడుస్తోంది.

కానీ ఆశ్చర్యకరమైన విషయం ఏమిటంటే…
మనలో చాలా మంది అత్యాధునిక ఫోన్ వాడుతున్నా,
అందులో ఉన్న తెలివైన సదుపాయాల్లో
సగం కూడా ఉపయోగించడం లేదు!

ఒక్కసారి ఊహించండి…
మీ ఫోన్ బ్యాటరీ రోజుకి రెండుసార్లు ఖాళీ అవుతోంది.
ఫోన్ వేడెక్కుతోంది.
నెట్ కూడా త్వరగా అయిపోతోంది.
“ఫోన్ పాతబడిపోయిందేమో” అనుకుంటున్నారు.

కానీ అసలు నిజం ఇది కాదు.!

మీకు తెలియకుండానే కొన్ని యాప్‌లు వెనక నుంచి పని చేస్తూనే ఉంటాయి. మీరు వాటిని ఓపెన్ చేయకపోయినా… అవి మీ లొకేషన్, కెమెరా, మైక్, డేటాను ఉపయోగిస్తూనే ఉంటాయి. అందుకే ఇప్పుడు సాంకేతిక నిపుణులు మొదట చెబుతున్న చిట్కా ఏమిటంటే — “యాప్ పర్మిషన్స్ చెక్ చేయండి!”

ఒక్కసారి ఫోన్ సెట్టింగ్స్‌లోకి వెళ్లి చూడండి…
టార్చ్ యాప్‌కు కూడా కొన్నిసార్లు కెమెరా అనుమతి ఉంటుంది!
కొన్ని గేమ్స్ మీ కాంటాక్ట్స్‌ను కూడా యాక్సెస్ చేస్తుంటాయి!
ఈ విషయం తెలిసాక చాలామంది షాక్ అవుతున్నారు.

ఇంకా ఆసక్తికరమైన విషయం ఏమిటంటే…
ఇప్పటి ఫోన్లు మనం ఆశించి కొనుక్కున్నదానికంటే చాలా తెలివి కలిగి ఉంటాయి.

ఒక మొక్క పేరు తెలియదా?
ఫోటో తీసి సెర్చ్ చేయండి… వెంటనే చెబుతుంది.
రోడ్డు మీద విదేశీ భాషలో బోర్డు కనిపించిందా?
కెమెరా పెట్టండి… క్షణాల్లో తెలుగులో అర్థం చూపిస్తుంది!

మరింత ఆశ్చర్యకరమైన విషయం ఏమిటంటే…
ఇప్పుడు ఫోన్ మన మాటలు కూడా అర్థం చేసుకుంటోంది.
టైప్ చేయాల్సిన అవసరం లేకుండా మాట్లాడితే చాలు… సందేశం రాసేస్తోంది.

ఇక వాట్సాప్ గురించి చెప్పాలంటే… చాలా మందికి ఇంకా తెలియని ఎన్నో సీక్రెట్ ఫీచర్లు అందులో దాగి ఉన్నాయి.

మీ ముఖ్యమైన చాట్స్‌ను లాక్ చేయొచ్చు.
ఒక్కసారి పంపిన ఫోటో మళ్లీ ఎవ్వరూ చూడలేని విధంగా పంపొచ్చు.
తెలియని నంబర్ల నుంచి వచ్చే కాల్స్‌ను ఆటోమేటిక్‌గా సైలెంట్‌లో పెట్టొచ్చు.

ఇంకా ఒక చిన్న చిట్కా… కానీ చాలా ఉపయోగకరం!

ఫోన్‌లో వేల ఫోటోలు, వీడియోలు నింపేసి “ఫోన్ స్లో అయిపోయింది” అంటుంటారు చాలామంది.
నిజానికి నెలకు ఒక్కసారి అవసరం లేని ఫైళ్లు తొలగిస్తే… ఫోన్ మళ్లీ కొత్తదిలా పనిచేస్తుంది.

అయితే… టెక్నాలజీ ఎంత సౌకర్యం ఇస్తుందో… అంతే ప్రమాదం కూడా దాగి ఉంది.

ఇప్పుడు సైబర్ నేరగాళ్లు కూడా చాలా తెలివిగా మారిపోయారు.

“మీకు బహుమతి వచ్చింది…”
“మీ బ్యాంక్ ఖాతా బ్లాక్ అవుతుంది…”
“ఈ లింక్ క్లిక్ చేస్తే డబ్బు వస్తుంది…”

ఇలాంటి సందేశాలు ఇప్పుడు లక్షల మందిని మోసం చేస్తున్నాయి.

ఒక్క లింక్ క్లిక్ చేస్తే చాలు…
ఫోన్‌లోని వ్యక్తిగత సమాచారం ప్రమాదంలో పడే అవకాశం ఉంది.
కొన్నిసార్లు బ్యాంక్ ఖాతాలు కూడా ఖాళీ అవుతున్నాయి.

అందుకే ఇప్పుడు నిపుణులు ఒక ముఖ్యమైన మాట చెబుతున్నారు:

స్మార్ట్ ఫోన్ కొనడం కంటే… దాన్ని తెలివిగా వాడటం ముఖ్యం.”

ఇప్పటి ప్రపంచంలో నిజమైన స్మార్ట్ ఎవరంటే…
ఖరీదైన మొబైల్ ఉన్నవారు కాదు…
టెక్నాలజీని సమయానికి, సురక్షితంగా, తెలివిగా ఉపయోగించగలిగినవారు !