Diljit Dosanjh Day ప్రత్యేక దినోత్సవం ప్రకటన
పంజాబీ గాయకుడు, నటుడు దిల్జిత్ దోసాంజ్ మరో అరుదైన గౌరవాన్ని సొంతం చేసుకున్నాడు. అమెరికాలోని లాస్ ఏంజెల్స్ నగర పాలక మండలి జనవరి 6, 2027ను అధికారికంగా ‘దిల్జిత్ దోసాంజ్ డే’గా ప్రకటించింది. ప్రపంచవ్యాప్తంగా పంజాబీ సంగీతాన్ని పరిచయం చేయడంలో, దక్షిణాసియా సంస్కృతిని అంతర్జాతీయ వేదికపై నిలబెట్టడంలో ఆయన చేసిన కృషికి గుర్తింపుగా ఈ నిర్ణయం తీసుకుంది.
ఈ గౌరవం దిల్జిత్ కెరీర్లో మరో మైలురాయిగా నిలిచింది. లాస్ ఏంజెల్స్ సిటీ కౌన్సిల్ ప్రత్యేక తీర్మానం ద్వారా ఈ ప్రకటన చేయగా, అభిమానులు సోషల్ మీడియాలో ఆయనపై ప్రశంసల వర్షం కురిపిస్తున్నారు.
ప్రస్తుతం దిల్జిత్ తన అంతర్జాతీయ సంగీత పర్యటనలతో ప్రపంచవ్యాప్తంగా అభిమానులను అలరిస్తున్నాడు. ఇటీవలే ప్రపంచ వేదికలపై పంజాబీ సంగీతానికి ప్రత్యేక గుర్తింపు తీసుకొచ్చిన ఆయనకు ఈ గౌరవం దక్కడం అభిమానుల్లో ఆనందాన్ని రెట్టింపు చేసింది.
ఈ సందర్భంగా దిల్జిత్ తన ఆనందాన్ని సోషల్ మీడియా ద్వారా పంచుకుంటూ, ఇది తనకు ఎంతో ప్రత్యేకమైన క్షణమని పేర్కొన్నాడు.
