రష్మికకు బాలీవుడ్ బిగ్ డీల్.. ‘కాక్టెయిల్ 2’ కోసం కెరీర్ హయ్యెస్ట్ రెమ్యునరేషన్?
బాలీవుడ్లో పెరుగుతున్న రష్మిక క్రేజ్
సౌత్లో స్టార్ హీరోయిన్గా వెలుగొందిన రష్మిక మందన్న, ఇప్పుడు బాలీవుడ్లోనూ తన మార్క్ చూపిస్తోంది. వరుస పాన్ ఇండియా సినిమాలతో నేషనల్ లెవల్లో క్రేజ్ సంపాదించుకున్న ఆమెకు ఇప్పుడు హిందీ ఇండస్ట్రీలో డిమాండ్ భారీగా పెరిగినట్లు టాక్ వినిపిస్తోంది.
తాజాగా రష్మిక నటిస్తున్న ‘కాక్టెయిల్ 2’ సినిమా చుట్టూ ఆసక్తికర చర్చ మొదలైంది. హోమి అదజానియా దర్శకత్వంలో తెరకెక్కుతున్న ఈ రొమాంటిక్ డ్రామాలో షాహిద్ కపూర్, కృతి సనన్తో పాటు రష్మిక కీలక పాత్రలో కనిపించనుంది. మ్యాడాక్ ఫిలిమ్స్ నిర్మిస్తున్న ఈ చిత్రాన్ని జూన్ 19న విడుదల చేసేందుకు ప్లాన్ చేస్తున్నట్లు సమాచారం.
అయితే ఇప్పుడు అసలు హాట్ టాపిక్ సినిమా కథ కాదు.. రష్మిక రెమ్యునరేషన్. ఈ మూవీ కోసం రష్మిక సుమారు రూ.12 కోట్లు పారితోషికం అందుకున్నట్లు బాలీవుడ్ వర్గాల్లో ప్రచారం జరుగుతోంది. ఇదే నిజమైతే, రష్మిక కెరీర్లో ఇది ఇప్పటివరకు అత్యధిక రెమ్యునరేషన్గా నిలవనుంది.
‘యానిమల్’ తర్వాత రష్మికకు ఉత్తరాది మార్కెట్లో మంచి గుర్తింపు వచ్చింది. ఆ క్రేజ్తోనే ఆమెకు భారీ ఆఫర్లు వస్తున్నాయని సినీ వర్గాలు చెబుతున్నాయి. మరోవైపు ఇదే చిత్రానికి షాహిద్ కపూర్ రూ.35 కోట్లు, కృతి సనన్ రూ.14 కోట్లు తీసుకున్నట్లు వార్తలు వినిపిస్తున్నాయి.
సౌత్ నుంచి బాలీవుడ్ వరకు తన స్థాయిని పెంచుకుంటూ వెళ్తున్న రష్మిక, ఇకపై మరిన్ని పెద్ద ప్రాజెక్టుల్లో కనిపించే అవకాశం ఉంది. ‘కాక్టెయిల్ 2’ హిట్ అయితే బాలీవుడ్లో ఆమె స్థానం మరింత బలపడటం ఖాయమనే చర్చ ఇండస్ట్రీలో జోరుగా సాగుతోంది.
